Paano ba malaman ang pondong kailangan sa pagre–retiro?

Kung ikaw ay isang OFW, malaki ang tiyansa na kumikita ka ng doble o triple kesa sa kikitain mo kung ikaw ay nasa Pilipinas. At dahil dito, marapat lamang na mas dapat kang mamuhunan para sa iyong pagre–retiro.

Kailangan mong malaman na hindi ka imortal. Darating sa buhay mo ang panahon na kailangan mong mag–retiro. Ang panahon na yon ay marahil sa ikaw ay magkakasakit o dahil ikaw ay senior citizen na o dahil ikaw ay natanggal sa trabajo at hirap na makakuha pang muli ng trabajo. Kaya kailangan na ikaw ay handa. Pero magkano ba ang kailangan mong pera para ikaw ay makapag–retiro ng maginhawa?

Dalawang bagay ang kailangan mong malaman sa pagre–retiro:

(1)    Ilang taon ka na ba?

(2)    Magkanong halaga ng puhunan ang kailangan mo?

Isa sa pinaka seguradong uri ng puhunan ay ang Fixed Rate Treasury Bond (FXTB). Ang Treasury Bond ay kumikita ng 4.625% cada taon subalit ito ay may kaltas na 20% tax ng gobierno.

Bakit ba segurado ang Treasury Bond? Dahil ito ay pananagutan ng Gobierno ng Pilipinas. Lahat ng gobierno sa buong mundo ay naglalabas ng Treasury Bond upang pondohan ang mga proyekto sa kanilang bansa. Ang gobierno ang tanging may kapangyarihan para makapag–print ng salapi para pamabayad kanino man. At dahil dito, mil porciento segurado na mababayaran ka ng gobierno. Ang tanong lang ay, may halaga pa ba yung perang ibinayad sa’yo o wala na dahil sa tinatawag na inflation?

Paano mo kakalkulahin ang tubo na kikitain mo sa Treasury Bond upang malaman kung ito ay sapat na para ikaw ay makapag–retiro?

Kung ikaw ay namuhunan ng Php 15,000,000 at ito ay tumutubo ng 4.625% cada taon,

            Php 15,000,000 x 0.04625 = Php 693,750

            Php 693,750 x 0.20 = Php 138,750

            Php 693,750 – Php 138,750 = Php 555,000

Ikaw ay kikita ng Php 555,000 cada taon. Ang bayaran ng Treasury Bond ay cada anim na buwan at puede kang kumuha na maaaring matapos pagkatapos ng 5, 10, 15, 20 o 25 taon depende kung ilan taon ka na sa kasalukuyan.

Paano mo ngayon kakalkulahin ang pang–gastos mo cada buwan sa tubo na natanggap mo sa Treasury Bond?

Php 555,000 ÷ 12 buwan = Php 46,250 (cada buwan)

Php 46,250 ÷ 30 araw = Php 1,541 (cada araw)

Ang tanong,

Sapat na ba sa’yo ang tubo na Php 46,250 cada buwan sa susunod na veinte anos ng buhay mo o kulang pa?

Sapat na ba ito para ikaw ay may pambayad ng kuryente, tubig at upa sa bahay at pambili ng pang araw–araw na pangangailangan? May sobra ba para ikaw ay makapag–viaje sa lugar na gusto mo?

Kung ikaw ay treinta anos at kumikita ka ng Php 46,250 cada buwan, hihinto ka na ba sa pagta–trabajo at magliliwaliw na lamang?

Kung ikaw ay Senior Citizen at kumikita ka ng Php 46,250 cada buwan at meron ka pang pension sa SSS at hindi na nangungupahan ng bahay, sapat na ba ito para masabi mong maginhawa ang iyong pagre–retiro?

Pero ang pinakamahalagang tanong, meron ka bang isang cinco duling na puede ipamuhunan para magka–meron ka ng FXTB?

Ang minimum na puhunan para ikaw ay makapamuhunan ng FXTB ay Php 200,000. Ito ay ino–offer sa lahat ng Banco na otorisado ng Banco Central ng Filipinas. Cada buwan inilalabas ng Bureau of Treasury ang schedule ng labas ng FXTB. Ang gagawin mo lamang ay magtanong sa banco na kung saan ikaw ay may deposito dahil hindi ito inilalathala sa diario o ina–announce sa publico.

Ang Php 15,000,000 na pinuhunan sa FXTB na may maturity date na 10 taon pataas ay hindi rin nangangahulugan na eto pa rin ang halagang matatanggap mo sa pagtatapos ng iyong puhunan dahil sa inflation na kung saan na ang halaga ng piso ay bumababa.

Sabi ni Bill Gates,

Hindi kasalanan na ipanganak na dukha pero kasalan ang mamatay kang dukha!

May katotohanan ba ang adhikaing ito?